Министерството за здравство потпиша договор за набавка на 80 илјади вакцини против сезонски грип. Следната недела се очекува да пристигнат вакцините по што имунизацијата ќе почне во втората половина од октомври.

Набавените вакцини се четиривалентни вакцини од производителот „Абот“ – Холандија.

Со бесплатна вакцинација се опфатени ризичните групи – повозрасни граѓани од 65 години, лица со хронични заболувања, здравствени работници, бремени жени, деца на возраст од 6 месеци до 5 години како и лица сместени во установи за социјална заштита на стари лица и вработените во установи за социјална заштита на стари лица.

Од Министерството уште не е соопштен начинот на кој ќе се одвива пријавувањето и покажувањето интерес за оваа вакцина.