Mинистерството за спорт заедно со Ракометната, Кошаркарската и Одбојкарската федерација денеска потпиша договор со МРТ со цел спортот да биде поблиску до јавноста.

Информацијата на својот Фејсбук профил ја објави министерот Борко Ристовски објавувајќи дека според договорот ќе се емитуваат македонските првенства секоја недела, ќе има поголем простор за македонските спортисти, ќе се отвори вратата за повеќе спонзори и поддржувачи со што се надеваат дека ќе инсорираат и многу деца да започнат да се занимаваат со спорт.

„Ова е само првиот чекор од нашата посветеност кон популаризација, професионализација и поддршка на домашниот спорт. Време е младите таленти да добијат заслужено внимание, а македонските спортски лиги – вистинска поддршка!“, порача Ристовски во својата објава.