Министерот за здравство Беким Сали, в петок, ќе се вакцинира по третпат, односно ќе прими бустер доза од вакцината против ковид-19.

Поради големиот одзив за вакцинација кој постои на кампусот на Медицинскиот факултет во Скопје, вакцинацијата ќе се спроведе теренски, на самиот кампус. Сали ќе се вакцинира заедно со студентите од Фармацевтскиот, Медицинскиот и Стоматолошкиот факултет, професори од факултетите и јавни личности.

Главниот координативен кризен штаб на синоќешната седница ја усвои препораката на Комисијата за заразни болести за кратење на периодот на изолација после позитивен ПЦР ковид-тест од десет на седум дена, ја достави до Владата и за неа треба да биде дискутирано на следната владина седница, информира владината прес-служба.

На седницата на ГККШ министерот Сали ја претставил актуелната состојба со пандемијата предизвикана од ковид-19.

Препораката е врз основа на предлог на Комисијата за заразни болести поради, како што наведуваат од Владата, полесната клиничка слика предизвикана од омикрон сојот.