Милиони патници одлучија: Хрватска прогласена за најдобрата земја за посета во 2025 година
Повеќе од милион патници од 158 земји гласаа за најубавите европски дестинации, а Хрватска позната по тиркизниот Јадран, градовите од бајките и неверојатната природа се најде на врвот на листата.
Препорачано
Милиони патници одлучија – Хрватска е апсолутен хит за 2025 година! Прекрасните плажи, историските градови, недопрената природа и уникатните наутички рути ѝ ја донесоа титулата за најдобра дестинација во Европа, пишува „Европски најдобри дестинации“ (European Best Destinations).
Секоја година милиони туристи ги откриваат убавините на стариот континент, а повеќе од милион патници од 158 земји оваа година ја избраа својата топ дестинација. Хрватска победи против силната конкуренција и го потврди она што домашните и странските гости веќе го знаат – таа е вистински рај на Земјата.
Од Загреб до Јадранот, од планински врвови до патиштата за вино, Хрватска нуди неверојатна разновидност и искуство кое го одзема здивот. Кристално чистото море, богатата историја, гастрономијата и гостопримливите домаќини се само дел од причините зошто патниците од целиот свет ја избрале неа.
Второто место го освои Шпанија со своите живописни градови и бескрајни плажи – од Барселона и Мадрид до сончевата Малага.
„Оваа земја е секако една од најубавите земји во Европа. Богатството и убавините на Шпанија се многубројни: плажите на Тенерифе во Форментера, Саграда Фамилија во Барселона, Гугенхајм во Билбао, Камино дел Реј во Малага, најубавите села во Шпанија како што се Ронда, Кадакес, Кудилеро…“
По неа доаѓа Италија – вечна класика со своите римски урнатини, тоскански лозја и магичната Венеција.
Потоа Грција, која нуди незаборавни зајдисонца на Санторини и историски знаменитости како Акропол. На шестото место се најде Португалија, која може да се пофали со рајските плажи на Алгарве, додека Франција, која го зазеде седмото место на листата, воодушевува со своите вина, замоци и романтичниот Париз.
Осмото место на листата го зазеде Турција, која е вистински рај за авантуристите – од пловечки балони во Кападокија до чаршиите во Истанбул. Претпоследна е Германија, која нуди спој на историјата и модерен урбан ритам. На десеттото и последно место на листата е Ирска, која е идеална дестинација за оние кои ја сакаат дивата природа, драматичните карпи и пабовите со жива музика.
Десет најдобри европски земји за посета во 2025 година, според мислењето на повеќе од милион патници:
Хрватска
Шпанија
Австрија
Италија
Грција
Португалија
Франција
Турција
Германија
Ирска
