Миленковски: ФК Вардар треба да го води човек кој не ги политизира нештата во фудбалот и спортот
Денеска вонредна прес-конференција одржа Милорад Миленковски, малцинскиот акционер во фудбалскиот клуб Вардар АД Скопје, Здружението „35 години Вардарци Скопје“. Здружението кое ги застапува навивачите на „црвено-црните“ Комити, побараа смена на актуелното раководство на клубот.
Препорачано
– Никогаш не сме кажале дека имаме стереотипи кон одредени личности, затоа што и ние се бориме со стереотипи. Сметаме дека Миленко Неделковски не е за местото извршен директор во Вардар. Стоиме зад тоа дека на чело на Вардар треба да биде човек кој не го поларизира општеството и не ги политизира нештата во фудбалот и спортот, туку човек кој обединува – вели Миленковски.
Во договорот потпишан при предавањето на мнозинскиот пакет на акции од 85%, „Комити“ му го доделија управувањето на новиот сопственик. Тоа мораше да се случи бидејќи финансиската состојба беше независна, а се доби и уверување дека работите ќе се средат. ФК Вардар има долг од три милиони евра, редоследно од кои 800.000 кон Управата за јавни приходи (УЈП), 1,2 милиони евра за плати, 200.000 евра кон ПУИГ, како и други долгови кон доверители.
– Во името на 35 години Вардарци се случија неколку измени во ФК Вардар. На 10 јуни имавме средба со претставници на Владата каде што ни беше кажано дека решението за ФК Вардар е на повидок и дека ќе треба за тоа да се случи е да им ги предадеме нашите акции. Во тој момент после одредено колебање се договоривме дека тие наши акции ќе ги предадеме на инсистирање на тие што не повикаа, а на барање на всушност инвеститорот е поставен Миленко Неделковски како вршител на должност, извршен директор на ФК Вардар тогаш.
Меѓутоа, тоа не го прифативме во тој момент, моравме да се консултираме со нашето членство бидејќи ние како Здружение сме правен застапник, односно субјект кој ги застапува интересите на навивачката група „Комити Запад“. Па така, на 3 јули свесни за ФК Вардар да не пропадне, не го кажувам тоа случајно, на некој начин бевме принудени ФК Вардар да го предадеме и да пружиме рака со Миленко Неделковски, односно со тие што него го промовираа – се зборовите на Миленковски на вонредната прес-конференција која можете да ја погледнете на видео записот.
