Тројца од главните играчи на Милан според најавите ќе го напуштат клубот по крајот на сезоната, објави „Гаѕета Дело Спорт“.

Голманот Мајк Мењан, играчот од средниот ред Тео Ернандез и напаѓачот Рафаел Леао најверојатно ќе ги напуштат Росонерите на лето по разочарувачките игри оваа сезона.

Се очекува Милан да направи масовна „чистка“ во тимот ова лето, особено ако не успее да се квалификува за Лигата на шампионите.

Мењан е во преговори за повторно потпишување на договорот до 2029 година, но според информациите тоа нема да му гарантира останување. Францускиот голман направи значајни грешки на натпреварите против Феенорд и Торино.

Тео Ернандез нема да добие нов договор и Милан е подготвен да слуша понуди на лето или да го пушти како слободен играч во 2026 година, пишува „Гаѕета“.

Леао има клаузула за ослободување од 175 милиони евра во неговиот договор, но неговите подеми и падови оваа сезона значат дека Милан е подготвен да слуша понуди помали од таа сума.