Микрософт и ЛинкедИн го одложија враќањето на своите вработени во канцелариите поради пандемијата, кое беше планирано за 4-ти октомври, објави американската софтверска корпорација на својата веб-страница, пренесува Бизнис инсајдер.

„Планиравме 4-ти октомври да биде првиот можен датум за целосно отворање на седиштето на Микрософт во Редмонд и многу други работни места во САД, но како што им кажавме на нашите вработени, ги сменивме тие планови поради неизвесноста со ковид-19. Нема да се обидеме да предвидиме нов датум за целосно отворање на нашите работни места во Соединетите држави “, рекоа од Микрософт.

Се очекува вработените да се вратат на работа со физичко присуство кога ќе биде можно „безбедно, следејќи ги упатствата за јавно здравје“, се вели во соопштението.

Покрај тоа, Мајкрософт објави рок од 30 дена, што ќе им даде време на вработените да се навикнат на работа во канцеларија, како и да одржуваат флексибилен пристап кон работата.