Американската скијачка Микаела Шифрин денеска триумфираше на слаломската трка во финскиот Леви и дојде до 89 победа во Светскиот куп.

Шифрин беше најдобра со резултат 1:51,68 мин., го зголеми сопствениот рекорд и сега има 89 победи во Светскиот куп.

Тоа беше нејзина седма победа во Леви, а вкупно 54 во слаломот. Второто место го освои Леона Поповиќ од Хрватска со 0,18 секунди заостанување, а третопласирана Лена Дур од Германија (+0,30).

Словачката скијачка Петра Влхова која беше првопласирана по првото возење, не го заврши второто.

Светскиот куп за скијачките ќе продолжи на 18 ноември, а спустот е планиран на патеката Цермат-Червинија.

Двете машки спуст трки не се одржани во саботата и неделата поради обилни снежни врнежи.