Мик Шумахер: Разочаран сум што останав без место во Формула 1
Возачот на германскиот „Хас“, Мик Шумахер изјави дека ќе направи сè за да се врати во шампионатот во Формула 1, пренесуваат британските медиуми.
Препорачано
-
1
-
2
-
3
„Хас“ одлучи пред последната трка сезонава за Големата награда на Абу Даби да не го продолжи договорот со Шумахер, а наместо него следната сезона во американскиот тим ќе биде Германецот Нико Хулкенберг. Покрај Хулкенберг, за „Хас“ следната сезона ќе вози и Кевин Магнусен.
– Ова ќе биде мојата последна трка за тимот на „Хас“. Не можам да сокријам дека сум многу разочаран од одлуката да не го продолжи мојот договор. Им благодарам на „Хас“ и „Ферари“ за оваа можност. Пораснав со нив и лично и технички. И кога беше најтешко, сфатив колку го сакам овој спорт. Заслужувам место во Ф1 и ќе се борам напорно да се вратам – вели Шумахер.
Германскиот возач, синот на легендарниот Михаел Шумахер, минатата сезона дебитираше во Ф1, а годинава освои вкупно 12 поени.
Трката за Големата награда на Абу Даби ќе се вози во недела од 14.00 часот.
