Пејачот на рок-групата „Ролинг Стоунс“, Мик Џегер, упати сочувство до семејството на починатата пејачка и актерка Маријан Фејтфул, со која беше во емотивна врска во текот на шеесеттите години, пренесе британскиот весник „Сан“.

„Таа беше дел од мојот живот толку долго. Беше прекрасна пријателка, неверојатна пејачка и одлична актерка. Секогаш ќе ја паметам,“ напиша Џегер на својот профил на социјалната мрежа Икс, споделувајќи фотографии со Фејтфул.

I am so saddened to hear of the death of Marianne Faithfull. She was so much part of my life for so long. She was a wonderful friend, a beautiful singer and a great actress. She will always be remembered. pic.twitter.com/aFAu1TwNTO

— Mick Jagger (@MickJagger) January 30, 2025

Џегер и Фејтфул беа во врска од 1966 до 1970 година и се сметаа за еден од најпознатите парови на британската музичка сцена. Фејтфул тврдела дека била инспирација за познатата песна „You Can’t Always Get What You Want“.

„Знам дека ме користеа како муза за тие тешки песни за дрогата. Знам дека ме користеа, но вредеше,“ изјави Фејтфул во 2011 година за магазинот „Класик рок“.

Сочувство за нејзината смрт изрази и гитаристот на „Ролинг Стоунс“, Кит Ричардс.

Да потсетиме, Маријан Фејтфул почина вчера на 78-годишна возраст. Таа е позната по хитовите „As Tears Go By“, кој во 1964 година се најде меѓу десетте најголеми хитови во Велика Британија. Покрај музичката кариера, таа се појави и во неколку филмови, меѓу кои и „Девојка на мотор“ (1968).

Почина пејачката Маријан Фејтфул, музичка легенда и најголема муза на Мик Џегер