Адвокатите на поранешниот директор на УБК, Сашо Мијалков, вложиле жалба на барањето на Обвинителството да се замрзнат уделите на фирмите поврзани со неговиот имот, вклучувајќи ги и тие во хотелот „Мериот“, како и неговата приватна куќа на Водно, објави Телма.

Хотелот „Мериот“, куќата на Мијалков на Водно, како и неговите удели во Офицерскиот дом, се само дел од долгиот список на обвинителката Вилма Русковска која се сомнева дека овој имот може да биде отуѓен. Одлуката е од предметот „Империја“, за кој Русковска очекува да заврши со обвинение. Освен живеалишта и луксузен имот, предмет за заплена е и дел од имотот кој е даден како гаранција за Мијалков да излезе од притвор.

Одлука по жалбата на одбраната на Мијалков се најавува за вторник.