Михаилов: Многумина го отпишаа Вардар на полусезона, предизвикот за мене лично беше голем
Фудбалерите на Вардар успеаја да обезбедат опстанок во Првата македонска лига откако во баражот го совладаа Детонит со 2:0.
Препорачано
-
1
-
2
-
3
Доста проблеми имаа скопските „црвено-црните“ по враќањето во елитата како на резултатски така и на финансиски план.
Кога беше најпотребно поддржани од верните „Комити“ играчите предводени од тренерот Горазд Михаилов успеаја да ја остварат целта.
Стратегот на екипата вели дека беше тешко, неизвесно, но желбата, соработката со луѓето во клубот беше над сè.
– Мисијата успешна, Вардар и следната сезона ќе игра во Прва лига. Многумина го отпишаа на полусезона, предизвикот за мене лично беше голем и покрај многубројните убедувања да не го прифаќам предизвикот, но со поддршката од мојата фамилија, за клубот од моето детство, клубот во кој растев и се оформував како личност, спортист, човек, неможев да му кажам не.
Детскиот сон ми се исполни еден ден да седнам и да го водам најголемиот клуб во Македонија и пошироко, клубот на народот, во мисијата наречена опстанок. Беше тешко, неизвесно, но желбата, работата, соработката со моите соработници (Герасимовски, Терзиев, Димковски, Јовче, доктор Иво и чичко Бајо) беше над сè. Благодарност до сите играчи за максималниот професионализам, истрајност, пожртвуваност, желба и коректност, благодарност до Влатко, Мартин, Миле, Мачка, Васе, Геле и сите останати, а секако не можам да не ги спомнам и оние кои ни беа 12 играч, најдобрата, најстрасната и најмногубројната навивачка група „Комити“, еден живот една љубов…ФК Вардар.
Во овој статус да ја споделам и мојата сезона 23/24, во декември си заминав од Силекс како четвртопласирани со 27 бодови, во пролетниот дел со Вардар освоивме 20 бода и со вкупно 47 бода од 33 натпревари според бодовите четврти на крај, успешна сезона веќе неколку години по ред. Ви благодарам на сите кои ми дадовте и ми давате поддршка – стои во објавата на Михаилов на Фејсбук.
