Полицијата во Њујорк приведе Гватемалец за кого се сомнева дека вчера во метро во Бруклин усмртил сопатничка, која жива ја запалил.
Тој со запалка и пришол на заспаната жена, и ја запалил облеката и ќебето и излегол од метрото.

Комесарката на полицијата Џесика Тиш соопшти дека жртвата починала на местото на несреќата, а осомничениот бил уапсен по дојава од група на средношколци кои во тој момент се возеле во метрото.

Таа додаде дека освен загинатата, нема други повредени или загинати луѓе по нападот.

На социјалните мрежи се појави видео од безбедносните камери на кое се гледа како метрото гори, а осомничениот смирено седи и гледа во огнот во кој гори жената.

Од полицијата соопштија дека осомничениот е имигрант од Гватемала, кој влегол во САД во 2018 година