Премиерот Христијан Мицкоски вели дека со нетрпение ја чека Резолуцијата на СДСМ за црвените линии за евроинтегративниот процес на земјата. Тој рече дека се надева дека во СДСМ се уште има демократски капацитет и дека ќе им дадат неколку дена за да ја разгледаат Резолуцијата.

„Со нетрпение ја чекам Резолуцијата зa црвените линии. Се надевам дека се уште постои демоктарстки капациетет во СДСМ, откако ќе ја презентираат ќе сочекаат и ние другите политички партии да дадеме свое мислење по текстот на истата. Затоа што ако мислат дека ние априори ќе ја прифатиме тогаш навистина јас сум збунет, бидејќи демократијата така едноставно не функционира. Ти претставуваш нешто и другите акламативно го прифаќаат. Тоа е во едни други времиња кои што одамна завршија“ изјави Мицкоски.

.

Тој се надева дека ќе има неколку дена можност, за како што рече, детално да навлезе во суштината, целите и намерите на Резолуцијата и ВМРО-ДПМНЕ да учествува во делот на текстот на истата.