Премиерот Христијан Мицкоски денеска изјави дека ВМРО-ДПМНЕ не ги менува ставовите „преку ноќ“, одговарајќи на новинарско прашање дали пратеничката група на партијата ќе ја поддржи интерпелацијата на јавниот обвинител Љупчо Коцевски.

„Јавноста ќе види утре, но ние како политичка партија и јас како човек не ги менуваме ставовите преку ноќ“, изјави Мицкоски по отворањето на новиот училишен базен во ООУ „Невена Георгиева – Дуња“ во општина Кисела Вода.

Интерпелацијата за работата на јавниот обвинител, поднесена од пратениците на Левица на 26 јуни, е ставена на дневен ред на утрешната 64. собраниска седница. Коцевски веќе одговори писмено, наведувајќи дека ја извршува функцијата чесно и одговорно, дека интерпелацијата е законски неоснована, и дека институцијата е предмет на неосновани напади.

ВИДЕО | Левица поднесе интерпелација за републичкиот јавен обвинител Коцевски по четири основи