Мицкоски маршираше на Водно: Следниот пат до врв да се качиме
Лидерот на ВМРО-ДПМНЕ Христијан Мицкоски изрази задоволство што со своите соработници утрово помина неколку часови во природа, на Водно, на марш по повод вчерашниот Ден на планетата Земја.
Препорачано
-Денеска е денот, како што кажа Тони, односно да бидам попрецизен, вчера беше денот, но ние денеска го одбележуваме практично денот на планетата Земја со овој симболичен марш од неколку километри кои што траеше повеќе од еден час. И мислам дека даваме добар пример за сите оние наши сограѓани кои што сакаат да се рекреираат и сме мотивација да ги поканиме и да ги мотивираме да ни се придружат во деновите кои што следат, нормално во текот на работната недела, имајќи во предвид време не може да си одвои секој поради работните обврски. Но преку викенд е здраво да се спортува и да се рекреира во планина, рече Мицкоски од пред комплексот Македонско село.
Тој нагласи дека во маршот учествувале членови на општински комитет на ВМРО-ДПМНЕ од Карпош, но и луѓе и од други општински комитети и граѓани кои што не се партиски врзани, а се приклучиле на иницијативата во природа.
-Навистина направивме еден убав пример и се рекреиравме во природа. Така што ова посакувам да стане пракса и еве нека биде задача на општинскиот комитет на Карпош да не мотивира и да не организира почесто да може следниот пат до врв да се качиме, да не биде само до тука, рече тој.
Пратеникот Тони Јаревски нагласи дека искачувањето до комплексот Македонско село е можност да се видат и недостатоците со кои рекреативците од Скопје се соочуваат кога одат во природа.
-Имавме можност како што бевте и вие сведоци да се подружиме, заедно да продискутираме, да уживаме во природата и да дојдеме до овој комплекс тука. Покрај основната цел имавме за цел да укажеме и на потребата за комплетирање на проектот за пешачка и велосипедска патека на овој дел од градот, многу атрактивна за многу граѓани, а сеуште нереализиран, да укажеме на нашата жал за пропаѓањето на овој комплекс „Македонско Село” каде што практично и буквите македонски ги отргна оваа власт, рече Јаревски и додаде дека во оваа прилика ги запознале учесниците со плановите на ВМРО-ДПМНЕ.
