Претстојната сезона во кошаркарската Евролига ќе биде првата со 20 екипи, но се чини дека наскоро ќе имаме некои промени. На тоа навести легендарниот тренер на Милано, Еторе Месина.

– Ние, како клуб и неговите сопственици, би претпочитале веднаш да преминеме на формат од 24 екипи. Управниот одбор на Евролигата ни кажа дека 20 екипи се само привремено решение за една година, додека чекаме проширување на 24 екипи – откри Месина на прес-конференција.

Потоа додаде уште една реченица што нè доведе до заклучок дека би можеле да размислуваме за Евролига со 24 екипи почнувајќи од сезоната 2026/27.

– Веројатно разбирате дека за вклучените луѓе, сознанието дека форматот ќе трае само една година ја прави ситуацијата уште покомплицирана. Во основа, секоја година веќе имате резервирани пет места во плејофот, што остава само едно место за директен пристап до плејофот за преостанатите 15 тима. Реалноста на Евролигата е дека секој тим се подобрил и секој тим сака да се пласира во плејофот. На крајот на краиштата, тимовите што покажуваат поголема кохезија, и на теренот и надвор од него, ќе постигнат подобри резултати – објасни Месина.

Натпреварите од новата сезона 2025/26 официјално ќе стартуваат на 30 септември, а титулата ја брани Фенербахче од Турција.