Лионел Меси го освои Светското првенство и во тој момент за многумина стана најдобар фудбалер во историјата, Меси сега има се што може да се освои во фудбалот.

Трофејот кој беше единствен кој му недостасуваше и кој го освои со Аргентина беше негов 41. во кариерата низ која освои бројни индивидуални награди. Сега Аргентинецот може да добие и награда која не е доделена 32 години.

Имено, во прашање е „Супер Златна топка“ која исто така ја доделува „Франс Фудбал“ од Париз. Оваа награда во минатото ја освоил само сонародникот на Меси, Алфредо Ди Стефано во далечната 1989 година кога францускиот медиум славеше 30 години постоење.

За многумина Меси е единствениот кој во изминатите 30 години ја заслужил оваа награда бидејќи веќе има седум „Златни топки“, а сега го освои и Мундијалот нешто кое остана недостижно за неговиот најголем ривал во Кристијано Роналдо.