Меѓусебните дуели помеѓу фудбалерите на Боливија и Аргентина во Ла Паз се секогаш интересни од причина што домаќините традиционално се голем проблем на „гаучосите“, дури и некои од своите најтешки порази во историјата ги претрпе токму таму.

Потсетување само на оној резултат од 6:1 за Боливија од 2009 година, иако на спротивната страна беа играчи како Меси, Тевез, Ди Марија, Агуеро, Занети, Маскерано..

Причината за традиционално слабите резултати на Аргентина лежи во фактот дека Ла Паз е главен град со најголема надморска височина во светот, со просек од околу 3600 метри надморска височина.

Последен пат Аргентинците славеа тука во 2005 година, а оттогаш не знаеја за победа до сега со конечен резултат 2:1 за играчите на Лионел Скалони.

Но, натпреварот немаше пријатен крај, бидејќи се создаде голема гужва на теренот по последниот судиски свиреж. Домашниот фудбалер Марсело Мартинс се обиде физички да се пресмета со ѕвездата на Барселона, Лионел Меси, кој го спасија соиграчите од поголем инцидент.

Домаќините поведоа преку искусниот Марсел Мартинс, кој круниса убава акција со глава во 24 минута од средбата, а за израмнување се погрижи Лаутаро Мартинез, фудбалерот на Интер.

الأُسطورة ليو ميسي غاضب جداً والجميع يفزع لتهدئة النفوس ??????? pic.twitter.com/yYX4PdVrhH

— in MESSI we trust ♥ (@fcbw8) October 13, 2020

Аргентина беше подобра во понатамошниот дел од натпреварот, а триумфот го донесе Анхел Кореја во 79 минута, асистент беше играчот на мечот, Мартинез, па репрезентацијата на Скалони ги освои сите три бода и има 100% учинок по две кола.

Јужноамерикански квалификации за СП, резултати: Боливија-Аргентина 1:2, Еквадор-Уругвај 4:2, Венецуела-Парагвај 0:1, Перу-Бразил 2:4, Чиле-Колумбија 2:2.

Табела после две кола: Бразил 6 бодови, Аргентина 6, Колумбија 4, Парагвај 4, Еквадор 3…

Нејмар го престигна Роналдо, пред него само уште една легенда! (ВИДЕО)