Фудбалерите на ПСЖ славеа со минимални 0:1 во големото дерби во француската Лига 1 против Олимпик Лион.

„Светците“ со триумфот во Лион, на најдобар начин го искористи ремито на Олимпик Марсеј и Рен (1:1) и сега се сами лидери на табелата.

По осум кола во Лига 1, ПСЖ има 22 бода, додека Олимпик Марсеј има 20 бода.

Единствениот гол, ПСЖ го постигна во петтата минута по одлична тимска акција. Мбапе му ја додаде топката на Нејмар, а Бразилецот му асистираше на Меси кој ја смести топката во мрежата.

Ова за Олимпик Лион беше трет пораз по ред во Лига 1 и сега се наоѓа на шестото место на табелата.