Менхенгладбах обезбеди ЛШ, Вердер засега се спаси од испаѓање (ВИДЕО)
Денеска е одиграно последното коло од Бундеслигата за оваа сезона, Лајпциг, и двете Борусии заедно со Баерн ќе играат во ЛШ, додека во Цвајта одат Падерборн и Фортуна Дизелдорф, додека Вердер ќе игра бараж за опстанок.
Во пресрет на последното 34. коло од Бундеслигата постоеја само две дилеми, кој ќе биде четвртиот учесник во ЛШ и која екипа ќе испадне.
Во битката за ЛШ висеше дури и Лајпциг кој можеше да падне и на петтото место, а во конкуренција покрај сигурните Баерн и Борусија Дортмунд, беа уште Борусија Менхенгладбах и Баер Леверкузен. Во битката за опстанок дилемата беше кој покрај Падерборн ќе оди во втората лига, Фортуна или Вердер.
Препорачано
-
1
-
2
-
3
На крајот се радуваа Борусија Менхенгладбах и Вердер кој во последното коло во убедливата победа од 6:1 над Келн дојде до 16. позиција која му носи бараж за опстанок. Услуга му направи и Унион Берлин кој со 3:0 ја совлада Фортуна и ја испрати во Цвајта.
Борусија Менхенгладбах не зависеше од никого и сама си го обезбеди пласманот во ЛШ откако со 2:1 ја совлада Херта и дојде до четвртата позиција на табелата.
Лајпциг како гостин со 1:2 го совлада Аугсбург и го задржа третото место, додека најголем губитник е Баер Леверкузен кој остана петти и ќе игра во Лигата на Европа, но го очекува и финалето во Германскиот куп каде ќе игра против шампионот Баерн кој во последното коло со 0:4 славеше на гостувањето кај Волфсбург.
