За време на нејзиниот „мандат“ како прва дама на Америка, Меланија честопати го воодушевуваше светот со своите модни избори.

Овојпат таа одбрала црвен кожен капут од модната куќа „Alexander McQueen“ и црн минималистички фустан за митингот во Џорџија на кој присуствуваше со нејзиниот сопруг Доналд Трамп.

Поранешниот модел смело го носеше црвениот кожен капут, кој беше претставен на париската модна писта есента минатата година.

Првата дама во заминување, ги засени сите присутни со нејзиниот изглед но многумина и ја критикуваа за прескапиот избор. Таа беше облечена во стилски капут вреден 6,200 американски долари од британскиот бренд „Alexander McQueen“.

Таа во комбинацијата вметнала и високи потпетици во „зебра принт“ и детали од црвена кожа. Високите потпетици се од шпанскиот дизајнер Маноло Бланик.

Меланија отсекогаш се однесувала како припадничка на високата класа, нејзинита најчести избори се креации од модни брендови како „Gucci“ или „Dolce & Gabbana“.

Претседателот и првата дама присуствувале на настан во Џорџија како поддршка за републиканските сенатори, пред вториот круг избори за Сенат на 5 јануари. Меланија се качи на подиумот прва, откако двајцата излегоа на сцената повикувајќи ги приврзаниците да им помогнат на републиканците да го задржат мнозинството во Сенатот.

Воедно, Меланија се обрати на и на насобраната толпа, што е вистинска реткост затоа што Меланија беше забележливо отсутна во повеќето политички настани пред изборите.