Мемоарите на бившата соработничка на првата дама Меланија Трамп открија деликатни детали за Белата куќа во пресрет на изборите на кои Доналд Трамп ќе оди во трка за нов мандат на чело на Америка.

Деталите од бракот на Меланија Трамп (50) и американскиот претседател Доналд Трамп (74) малкумина ги знаат, но многумина сметаат дека во последно време првата дама не се ни обидува да скрие во нејзините јавни настапи дека нешто не е во ред.

Експертите за невербална комуникација гледаат целосна незаинтересираност и фрустрација од говорот на нејзиното тело, а за соживотот на Меланија и претседателот би можело наскоро да се дознае повеќе.

Одмазда по отказот

Вчера, на 1 септември, беше објавена долгоочекуваната биографска книга „Меланија и јас: Подемот и падот на моето пријателство со првата дама“, која, како што тврди, открива бројни интриги во семејството Трамп.

Авторка на книгата е Стефани Винстон Волкоф, поранешна висока советничка на Меланија, која потенцијално знае многу „валкана работи“ од животот на контроверзниот американски претседател и нивниот брак, а многумина проценуваат дека има и причина за одмазда по отказот.

Волкоф вели дека нејзиното 15 години долго пријателство со Меланија завршило пред две години откако првата дама „ја издала“ кога не сакала јавно да ја брани од обвиненијата за финансиските малверзации при организирањето на инаугурацијата на Трамп. Напишала дека се чувствувала како „да добила нож во грб“ од личноста која во меѓувреме значително се сменила.

Портпаролката на првата дама одговорила дека „книгата не е само полна со недоверба и параноја, туку се базира на некоја имагинарна потреба за освета“. 

„За жал, тоа е длабоко несигурна жена чија потреба да биде релевантна не одговара на логиката“., изјави портпаролката.

Непријателство

Последниве денови инсерти од книгата се пласираа во медиумите, а најмногу прашина кренаа оние што зборуваат за непријателството помеѓу Меланија и Иванка Трамп, ќерката на претседателот. Авторката пишува дека првата дама секогаш превртувала со очите на сите идеи на Иванка, а особено на идејата за тоа како нејзината поќерка еден ден и самата ќе стане претседателка на САД.

Веќе е познато дека Меланија во книгата подбивно ја нарекува Иванка – принцезата, како и дека на инаугурацијата на Доналд Трамп се обидела да ја истурка од кадарот, а „Дејли мејл“ донесува повеќе сочни детали.

– Меланија потајно одмавнуваше со главата со гадење на сè што Иванка и Дон помладиот работеа или разговараа, а она што најмногу ја нервираше е тоа што децата на Доналд „парадираа“ како тие да се главните.

Таа сакаше мир и ред, а Белата куќа и децата на Трамп ги спореди со циркус, додека членовите на неговото семејство ги нарече змии – наведува Винстон Волкоф, која исто така пишува и за политичките аспирации на Меланија, и наведува дека првата дама се гледа себеси како модерната Џеки Кенеди.

Љубовните афери на Доналд Трамп кои Меланија морала да ги прифати