Поранешниот селектор на Дејвис куп репрезентацијата на САД и помладиот брат на легендарниот Џон Мекинро, Патрик, го поддржа најдобриот тенисер во светот, Новак Ѓоковиќ, во иницијативата за отстранување на линиските судии од АТП.

– Мислам дека на професионално ниво, ќе имаме сè помалку линиски судии во тенисот. Помалите турнири не можат да си го дозволат тој електронски систем кој е прилично скап – рече Мекинро за „Холдинг корт“.

Тој вели дека „Око соколово“ се покажа како сигурен систем и е посветен на продолжување на таа практика.

Веќе подолг период во светот на тенисот се зборува околу укинувањето на линиските судии, тема која се активираше во текот на пандемијата на коронавирусот.

Српскиот ас беше дисквалификуван од „УС Опен“ откако ненамерно со едно од топчињата удри во грлото на линиската судијка Лаура Кларк, па организаторите донесоа одлука во следната фаза да се пласира Шпанецот Пабло Карењо-Буста.

– Во време кога се обидуваме да го ограничиме бројот на луѓето во натпреварувањата, нема смисла да имаме линиски судии, тоа е дополнителен број на луѓе кои не ви се потребни. Системот „Око соколови“ работи исклучително добро – додаде Патрик Мекинро.

Бројките не лажат: Ѓоковиќ далеку пред Надал и Федерер!