Меган Маркл и принцот Хари биле со своите деца на патување во Дизниленд, каде што го прославиле четвртиот роденден на нивната ќерка Лилибет.

Војвотката од Сасекс сподели моменти од дводневниот одмор, а според снимките – семејството максимално уживало. Испробале разни адреналински возења и се сретнале со ликови од светот на Дизни.

На една снимка се гледа како Лилибет и нејзиниот шестгодишен брат Арчи ја запознаваат принцезата Елза од анимираниот филм „Замрзнато кралство“ (Frozen). Меган ги држи за рака додека тие срамежливо ѝ приоѓаат за фотографија со омилениот лик.

Децата се забавувале на класични возења како „Дамбо“ (Dumbo) и на атракции инспирирани од филмот „Автомобили“ (Cars), додека Меган и Хари биле забележани како се смеат и уживаат на возењето „Вселенска планина“ (Space Mountain). Во еден момент, целото семејство носело исти капи со ликовите на Мики и Мини Маус.

За својот роденден, Лилибет добила специјално украсена торта со мотиви од „Малата сирена“ (Little Mermaid), со сина глазура и розова порака: „Среќен роденден, Лили“.

Објавата содржела и семејна фотографија покрај река, а Меган во описот се заблагодарила на Дизниленд: „Благодариме што ни подаривте два дена полни со чиста радост!“.

ВИДЕО | Меган Маркл сподели видео од породилната сала: Tанцува и му тверка на Хари