Вицепремиерот Изет Меџити вечерва одговори на изјавите на министерот за јавна администрација од партијата ЗНАМ, Горан Минчев, во врска со вработувањата во државните институции. Меџити претходно најави вработување на неколку илјади Албанци во државната администрација. На ова Минчев, во одговор на прашање од „Слободен печат“ за тоа дали најавата на Меџити е реална, ја оцени како „класичен пример на предизборен популизам, без никаква правна или институционална основа“.

Препукувањето меѓу министрите вечерва го продолжи Меџити, обвинувајќи го Минчев дека користи реторика слична на онаа на лидерот на Левица, Димитар Апасиев. Меџити повтори дека правичната застапеност на Албанците во администрацијата е уставна категорија која не може да се доведе во прашање.

„Минчев да не се однесува како копија на Апасиев, затоа што воопшто не личат еден на друг. Горан Минчев треба да ја напушти реториката на Димитар Апасиев и да се однесува како министер на сите граѓани во нашата заедничка држава“, напиша Меџити на „Фејсбук“.

Минчев ја разобличи лагата на Меџити за вработување во администрацијата на 2.000 до 3.000 Албанци