Меџити: Утре ќе биде испратена инспекција во битолската болница за да се утврдат причините за смртта на новороденчето
По повод најновиот случај со починатото бебе, попладнево во Битола допатува министерот за здравство Фатмир Меџити кој најави дека утре ќе биде извршена контрола од Државниот здравствен и санитарен инспекторат, а Комисија од инспектори ќе ги утврди причините за смртта на новороденчето.
Препорачано
Станува збор за млада мајка на возраст од 24 години, на која ова требаше да ѝ биде прво дете.
Бебето по породувањето било живо и според извештаите кои ги видовме било родено со тахикардија и имало белодробно срцево оживување. Тоа е сѐ што во овој момент можам да кажам. За причините за смртта на новороденчето ќе можеме да кажеме поопширно откако комисијата ќе ги утврди, рече министерот Меџити. Тој исто така не сакаше да ги коментира причините за смртта на шестгодишната Јана Христовска, која почина пред 15 дена, бидејќи сѐ уште го нема добиено обдукцискиот наод.
Инаку, министерот Меџити рече дека состојбите во Битолската болница, каде недостасуваат голем број лекари и друг медицински персонал, се тешки, но и оти е слично во сите болници во државата и дека „состојбите мора да се подобруваат полека, а не преку ноќ“.
Мртвороденче во битолската Клиничка болница одново ги вознемири граѓаните
