Новиот светски тениски рекет број еден, Данил Медведев, го тргна руското знаме од својот официјален профил на Инстаграм.

Медведев во изминатите години, покрај името на спонзорот на Инстаграм го имаше и знамето на својата татковина кое „исчезна“ по руската инвазија врз Украина.

– Не сакаме тоа да го коментираме – порача ПР тимот на рускиот тенисер.

Засега не е познато дали Медведев тоа го сторил самоиницијативно или бил натеран од страна на АТП. За разлика од повеќето меѓународни спортски федерации, АТП не им забрани настап на руските тенисери, но Медведев и неговите сонародници на турнирите можат да настапуваат како неутрални спортисти.