Маж на возраст од 42 години бил пронајден починат, а неговото тело било покриено со земја и предмети, а Обвинителството се сомнева дека станува збор за убиство. Оттаму соопштија дека дежурен јавен обвинител од Основното јавно обвинителство Кавадарци извршил увид во куќа во која било најдено телото.

– Телото било пронајдено покриено со земја и предмети во помошни простории, што првично упатува дека смртта е резултат на кривично дело. Семејството се обидувало неколку дена да го лоцира сега починатиот, кој живеел сам – соопшти Обвинителството.

Со цел расчистување на настанот, јавниот обвинител издал наредба за обдукција на починатиот. Од лице место подигнати се траги и материјални докази кои ќе бидат предмет на вештачење. Се издаваат наредби и насоки за откривање на сторител.