Маурицио Сари е меѓу водечките кандидати за нов тренер на Милан, откако раководството на италијанскиот фудбалски клуб се подготвува да го отпушти Португалецот Серџо Консеисао по разочарувачката сезона.

Според информациите од „Ла Гаѕета дело Спорт“, Сари, кој неодамна го водеше Лацио, повторно е сериозен кандидат за тренерската клупа.

И покрај тоа што одби понуда од клубот во декември, 65-годишниот стратег сега е на врвот на листата со опции за новата сезона.

Се очекува Милан да ја активира клаузулата за ослободување во договорот на Консеисао, кој важи до 2026 година.

Португалецот го донесе италијанскиот Суперкуп по победата над Интер, но не успеа да го врати Милан во стабилна форма во Серија А. Неуспехот во битката за место во Лигата на шампионите се покажа како одлучувачки за неговата иднина. Раководството на клубот одлучи да се потпре на италијански тренер со подобро познавање на фудбалот и филозофија блиска до онаа на клубот.