Во северниот дел на полуостровот Камчатка на рускиот Далечен исток, забележано е масовно угинување на ирваси, а причината можеби е тоа што животните ги напуштиле своите стада и залутале, поради што не можеле да се прехранат, соопшти регионалната влада.

Претходно, на социјалните мрежи беше објавена снимка од мртви животни, а авторот на видеото изјави дека има околу триста угинати животни.

Тим експерти во понеделник ќе биде испратен со хеликоптер во тундрата во регионот Тигил, и тие треба да ги откријат причините за инцидентот, а проверка почна и регионалното обвинителство.

На Камчатка има девет компании за одгледување ирваси, а на крајот на 2020 година имаше вкупно повеќе од 43.000 животни.