Потрагата по келнери, готвачи и мајстори за скара во Србија трае и во вонсезоната, а дефицитот од овие работни места ќе се почувствува во пресрет на летото. Иако често се тешки, овие работни места носат профитабилна заработка, па мајсторите на скара заработуваат 1.500 евра, додека најуспешните готвачи можат да се пофалат со заработка од околу 3.000 евра. Уште лани стана особено видливо колку работни места во угостителството се дефицитарни, особено во „летниот шпиц“ кога голем дел од нив заминуваат во соседните земји да работат сезонски.

Меѓу бараните работни места се келнери, мајстори за скара и готвачи. Милош Турински од веб-страницата „Инфостуд“ за Нова.рс вели дека наскоро келнери и готвачи од Србија „ќе се преселат на Јадранот“, што ќе влијае на пазарот.

„Ќе има многу голем број слободни позиции, па понудата ќе биде поголема“, вели соговорникот на Нова.рс.

Миро од Мајур започнал како мијач на садови, без познавање на германски и без искуство, а сега ги полудува богатите Швајцарци со полнети пиперки! Драган и Зоран се занимаваат со бизнис кој изумира, а без нив заборавете на плескавиците и ќебапите. Младите кои сè уште се во процес на избор на професија забележале дека во овој бизнис добро се заработува, па побарувачката за школи за готвење расте. Во прилог на тоа оди и фактот што секоја година во Угостителско-туристичката школа во Врњачка Бања се запишуваат околу 90 нови ученици. Многу готвачи од Србија заминуваат во странство, особено на јадранското крајбрежје во текот на летната сезона, каде што можат да заработат и до 3.000 евра месечно. Меѓу српските готвачи, најпопуларни летни дестинации се Црна Гора, Хрватска и Словенија, а бидејќи им се обезбедува сместување и храна, може да се каже дека тоа е „чист“ приход што го имаат на крајот на месецот.