Извршниот директор на X, милијардерот Илон Маск, јавно го критикуваше законот за трошење што го поддржа претседателот на Соединетите Американски Држави, Доналд Трамп, нарекувајќи го „одвратен“, само неколку дена откако ја напушти функцијата шеф на Одделот за ефикасност на владата (DOGE).

„Жал ми е, но повеќе не можам да молчам. Ова е скандалозна, чудна, корумпирана одлука за буџетот на Конгресот“, напиша Маск на X и додаде дека законот „масовно ќе го зголеми веќе огромниот буџетски дефицит на 2,5 милијарди долари“ и дополнително ќе ги задолжи американските граѓани, објавува ABC News.

Маск претходно беше вклучен во работата на DOGE за намалување на федералните трошоци, но ја напушти таа функција минатата недела по 130 дена во улога на специјален државен службеник.