Фудбалскиот клуб Силекс ја информира јавноста дека нов играч на екипата е Мартин Мирчевски (28).

Мирчевски доаѓа во Кратово од редовите на Желесничар Сараево од Босна и Херцеговина.

Во дресот на Железничар Сараево имаше 18 настапи и запиша две асистенции. Немаше никаква минута во последните осум натпревари од босанското првенство, па беше јасно дека ќе дојде до прекин на соработката.

Претходно во својата клупска кариера беше дел и од ТСЦ, Академија Пандев, Вардар, Беласица, Победа и Пелистер, а во 2022 година го имаше и дебито за најдобрата македонска репрезентација.

Претходно ФК Силекс како нови засилувања ги ангажираше Босанецот Миљан Говедарица и Португалецот Мигуел Пиреш, а нови договори потпишаа браќата Љупче и Ѓорѓе Џеков.