фото: EPA-EFE/JEAN-CHRISTOPHE BOTT

Марио Балотели е нов фудбалер на Адана Демирспор

Официјално, денеска турскиот фудбалски клуб Адана Демирспор ја информираше јавноста дека нов член на екипата е 33-годишниот напаѓач Марио Балотели.

Турцијте објавија дека со Италијанецот е постигнат договор „1+1“ (до јуни 2024 со можност за продолжување на уште една година).

Тој веќе играше за Адана Демирспор во сезоните 2021-22 и 2022-23, особено се истакна во првата сезона со 18 голови во 31 настап.

Последен клуб на Балотели беше Сион од Швајцарија во чиј дрес запиша 18 настапи и шест голови. Најголемите успеси ги имаше со милански Интер со кој трипати беше шампион во Серија А, а по еднаш ги освои и Купот и Суперкупот на Италија, и Лигата на шампионите во сезоната 2009-10.

Со Манчестер сити во 2012 година успеа да дојде до титулата во Премиер лигата, а со „граѓаните“ дојде и до пехарот во ФА купот.

Потсетување дека играч на Адана Демирспор е и македонскиот репрезентативец Јован Манев кој сезонава ќе ја помине како позајмица во хрватскиот Осиек.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот