Енди Мари сега е тренер, но не толку одамна беше активен тенисер. Мари жали за нешто во неговата долга и успешна кариера како играч, а за тоа проговори неодамна.

– Да можев да ги слушам Новак, Роџер или Рафа како зборуваат за тоа што им пречеше во мојот тенис, тоа ќе беше голема помош. Поминав многу време во мојата соба гледајќи видеа, прекумерно анализирајќи. Недостатоците што можеби ги имам како тренер поради моето неискуство, можеби можат да се надминат бидејќи десет или дванаесет години се соочував со нив на најголемите сцени. Ова ми дава единствена перспектива за нивната игра. Не само што длабински го проучував нивниот тенис, туку го доживеав и на теренот. Имавме вакви разговори и се надевам дека беа позитивни за Ѓоковиќ. Знам дека ќе беа позитивни за мене како играч – изјави Мари.

Британецот сега е тренер на Новак Ѓоковиќ и ќе го води на следните два грен-слема, Ролан Гарос и Вимблдон, а беше со него на Австралија опен.

Мари често го ставаа рамо до рамо со познатата голема тројка, но, не го достигна нивното ниво. Тој освои „само“ три грен-слем трофеи (два на Вимблдон и еден на САД опен), додека тројцата имаат по над 20 грен-слема секој, а Србинот е рекордер со 24.

Во Катар Вердаско ќе го води Ѓоковиќ

Мари продолжи со Новак до Вимблдон, но тој нема да биде во Катар, каде Србинот ќе игра на Катар опен АТП 500. Како резултат на тоа, на Новак му треба тренерска поддршка за да не се најде сам.

Според „Спортклуб“, Новак си најде тренер за овој турнир, а тоа е Шпанецот Фернандо Вердаско (41).

– Тоа е договорено, јас сум тој што ќе го тренира – објасни поранешниот шпанскиот тенисер кој живее во Катар.

Двајцата тенисери добро се познаваат бидејќи се соочиле 15 пати, Србинот води со 11 – 4.

Катар опен почнува в понеделник и ќе трае до сабота 22 февруари. Покрај Ѓоковиќ ќе учествуваат и Јаник Синер, Карлос Алкараз, Данил Медведев…

Ѓоковиќ во Доха има шанса да го освои 100 трофеј во кариерата