Марди Фиш: Ѓоковиќ од 2011 година е најдобар тенисер на сите времиња
Поранешниот американски тенисер Марди Фиш смета дека во текот на 2011 година Новак Ѓоковиќ ги одигра најдобрите мечеви во историјата на тенисот.
Препорачано
Фиш, некогаш седмиот играч во светот, го издвои Рожер Федерер, кој се истакна во средината на првата деценија на 21 век. Марди имаше можност да игра против двајцата, а јасно одговори кој ќе победи доколку се сретнат Србинот од 2011 година и Швајцарецот од 2005 година.
– Новак Ѓоковиќ во 2011 година и Рожер Федерер во 2005 година беа најдобрите играчи против кои играв. Доколку тие двајца играа на средно брз терен, мислам дека Новак ќе победеше. Доколку играа на побрза подлога, мислам дека Рожер ќе победеше. На која било бавна подлога, Новак би победил. Ѓоковиќ од 2011 година е најдобриот играч на сите времиња – рече Фиш.
Инаку, Фиш седумпати играше против Ѓоковиќ и на сите мечеви претрпе пораз. Тој играше со Федерер во девет наврати и славеше еднаш, во полуфиналето на Индијан Велс во 2008 година.
Да потсетиме, Ноле во 2011 година ги освои Австралија Опен, Вимблдон, УС Опен и играше во полуфиналето на Ролан Гарос, додека Федерер триумфираше на Вимблдон и УС Опен во 2005 година, а беше елиминиран во полуфиналето на Австралија Опен, односно Ролан Гарос.
