Нивната сочност, освежителен вкус и богатството на хранливи материи ги прават мандарините омилено овошје за многумина, особено во текот на зимскиот период.

Ова овошје потекнува од семејството на цитруси и е познато по своите благотворни ефекти врз здравјето.

Освен што му пружаат задоволство на непцето, мандарините се природен извор на витамин Ц, кој помага во зајакнување на имунитетот, како и на витамините Б, Д и К, калциум, магнезиум и растителни влакна, што ги прави одличен сојузник во борбата против настинките во зима.

Иако често се поврзуваат со здравјето, добро е да се знае дека, како и кај секоја храна, постои ограничување на консумирањето.

Иако мандарините се богати со хранливи материи, прекумерното консумирање може да биде проблем.

Според руската нутриционистка Надежда Чапкина, дневниот внес на фруктоза не треба да надминува 40 грама, а неколку мандарини веќе можат да ја достигнат таа граница.

Кога е идеално време за консумирање?

Премногу мандарини може негативно да влијае на црниот дроб. Луѓето кои страдаат од гастритис, исто така, треба да бидат внимателни, бидејќи киселините во мандарини може да ја иритираат чувствителната слузница на желудникот и цревата.

Не се препорачува да се јадат мандарини на празен стомак, бидејќи нивната киселост може да предизвика иритација на дигестивниот тракт. Најдобро време за уживање во нив е навечер, бидејќи се нискокалорични и нема негативно да влијаат на телесната тежина.

Токму поради нивната лесно сварлива природа, мандарините се совршена опција за лесна ужина во студените зимски денови.

Ова вкусно овошје е секако корисно и може да биде дел од здравата исхрана, но, како и секогаш, умереноста е клучна.

.