Денеска ќе се играат првите натпревари од четвртфиналето во Лига Европа, дербито е на „Олд Трафорд“ (21.00 часот) во кое Манчестер јунајтед е домаќин на Севиља.

„Црвените ѓаволи“ посакуваат следната сезона да се вратат во Лигата на шампионите, а за тоа имаат две опции. Првата е преку Премиер лигата каде моментно водат борба со Њукасл и Тотенхем за преостанатите две места, бидејќо две се резервирани за Арсенал и Манчестер сити, а втората е преку Лига Европа чиј освојувач добива „билет“ за групите на ЛШ за сезоната 2023/2024.

Играчите на менаџерот Ерик Тен Хаг посакуваат сезонава да освојат „тројна круна“, претходно го освоија Лига купот, а овој месец ќе играат полуфинале во ФА купот.

Севиља предводена од тренерот Хосе Луис Мендилибар, која до сега шестпати стигна до пехарот во ЛЕ, сезонава нема најдобри резултати во „Ла Лига“, на 10 кола до крајот на шампионатот се наоѓа на 13 позиција со само пет бодови повеќе од Валенсија која е во опасната зона за испаѓање.

Лига Европа
Четвртфинале

18.45 часот Феенорд – Рома
21.00 часот Баер Леверкузен – Ројал Унион СГ
21.00 часот Јувентус – Спортинг
21.00 часот Манчестер јунајтед – Севиља

Лига на конференции
Четвртфинале

18.45 часот Гент – Вест хем
21.00 часот Андерлехт – Аз Алкмаар
21.00 часот Базел – Ница
21.00 часот Лех Познањ – Фиорентина