Манчестер јунајтед ќе гради стадион со 100.000 седишта
Сер Џим Ретклиф најави изградба на нов Олд Трафорд по пристигнувањето во англискиот фудбалски клуб Манчестер Јунајтед. Собрана е работна група за изградба на стадионот, вклучувајќи го поранешниот капитен на клубот Гери Невил и градоначалникот на Манчестер, Енди Барнам.
Препорачано
Според англиските медиуми, стадионот треба да има 100.000 седишта. Во вторникот вечерта, службениците на Советот на Трафорд, главното тело во градската област Трафорд, дадоа едногласна поддршка за изградбата на стадионот.
Сега следи формирање на стратешки план за регенерација на областа. Локалните власти веруваат дека плановите ќе ја поттикнат економијата и ќе обезбедат повеќе од 48.000 работни места и 15.000 нови домови, што ќе донесе околу 4,5 милијарди евра за локалната економија. Се појавија и првите фотографии од потенцијалниот изглед, а претставници на работната група стапија во контакт со Реал Мадрид и Тотенхем, кои неодамна изградија спектакуларни стадиони.
Цената на новиот стадион на Манчестер Јунајтед се очекува да биде околу две милијарди евра, а допрва треба да се одлучи дали ќе се гради на местото на сегашниот стадион или ќе се бара друга локација.
Олд Трафорд беше отворен во 1910 година, а денес има капацитет од 74.310 седишта. Тој е втор по големина по Вембли. Ситуацијата на култниот стадион е лоша во последно време. На некои места протекува, а има извештаи за наезда на глувци.
Man United's new stadium plans get major boost
Manchester United's plan to build a 100,000-seat stadium has taken a big step toward becoming reality, with the vision receiving the green light from the Trafford Council executive.https://t.co/QLvXzSeSyO
— ESPN Soccer (@ESPNsoccer) January 28, 2025
?? Manchester United's plans for a new Old Trafford have taken another step forward after receiving unanimous support from local authorities.
Trafford council officials last night gave their unequivocal backing to plans for a potential 100,000-seater stadium at the heart of a… pic.twitter.com/LGIMuc951G
— United & Everything Football (@UEF_Podcast) January 28, 2025
