Во Премиер лигата оваа сезона, сè е јасно како ден кога е во прашање опстанокот. Саутемптон и Лестер веќе се математички елиминирани, следен е Ипсвич, а еден од најдобрите играчи на тој тим најверојатно ќе го напушти клубот.

Лијам Делап се докажа како сигурен играч, а единственото прашање е каде ќе ја продолжи кариерата. Сигурно е дека ќе биде во Англија, а се издвојуваат два тима.

Манчестер јунајтед се споменува веќе некое време како негов следен клуб, но Њукасл неодамна се вклучи во трката и би можел да го доведе, особено ако Исак си замине.

Делап постигна 12 голови оваа сезона, а секој може да го потпише за само 30 милиони фунти ако Ипсвич испадне од лигата.

На пет кола до крајот на премиерлигашката сезона, Ипсвич е во опасната зона за испаѓање на 18 место со 21 бод, 15 помалку од Вест хем кој е на 17 позиција.