Данскиот фудбалер Кристијан Ериксен, Швеѓанецот Виктор Линделоф и поранешниот репрезентативец на Северна Ирска Џони Еванс ќе го напуштат Манчестер Јунајтед, објави денеска англискиот клуб.

Договорите на тројцата играчи со Манчестер јунајтед истекуваат на 30 јуни и англискиот клуб не смета на нив следната сезона.

Манчестер јунајтед одлучи да не ги продолжи договорите со Ериксен, Еванс и Линделоф.

Еванс беше дел од клубот од 2006 до 2015 година, а се врати на „Олд Трафорд“ во 2023 година. Ериксен пристигна во Јунајтед во 2022 година, додека Линделоф беше член на „Црвените ѓаволи“ од 2017 година.

Манчестер јунајтед ја заврши сезоната во Премиер лигата на 15 место на табелата.