По 58 дена поминати на Интензивна нега на ГАК, Тони, бебе родено предвреме со само 1.100 грама си замина дома во Кочани. Од Клиниката за гинекологија и акушерство информираа дека Тони е роден предвремено во 31 гестациска недела, но дека ги пребродел сите предизвици на одделот за интензивна нега и си заминал дома во Кочани да биде со семејството.

На голема радост на сите нас, педијатри и медицински сестри акушерки успешно се избори со сѐ она што ги носи предвременото раѓање и со 1.840 грама првпат влезе во својот дом.Биди среќен наш мал борецу и имај детство исполнето со љубов и здравје. Уживај во прегратките на твоите родители додека растеш во среќно и здраво дете, напишаа од ГАК.