Министерот за финансии Синиша Мали изјави дека до денес точно 100 земји го потврдиле своето учество на Меѓународниот специјализиран саем ЕКСПО 2027 во Белград. „И, исто како што ја добивме довербата на земјите од целиот свет кога бевме избрани да бидеме домаќини на оваа изложба, сега, во рекордно време, дури сто земји го најавуваат своето пристигнување во Белград, каде што ние ќе бидеме нивни најдобри домаќини и ќе ја претставиме нашата земја во најубаво светло“, рече Мали на Инстаграм, објави Политика. Тој изрази очекување дека бројот на земји што доаѓаат на ЕКСПО 2027 ќе продолжи брзо да расте, а сега, како што вели, веќе е сигурно дека ќе биде надминат бројот на земји учеснички од последната специјализирана изложба во Астана, Казахстан, на која имаше 117 учесници.

„Додека пристигнуваат потврди за учество, подготовките за овој престижен настан се одвиваат според планот. Стотици работници и машини работат на градилиштето во Сурчин секој ден, бидејќи сè мора да биде готово за нешто повеќе од година и пол, до 1 декември 2026 година, кога ќе им ги предадеме клучевите од павилјоните на земјите учеснички“, рече Мали.

Како што истакна тој, ЕКСПО за Србија значи понатамошен раст, развој и зајакнување на економските активности.