Куќата во која се наоѓа Сатурн е важен елемент на наталната карта, бидејќи карактеристиките на таа конкретна куќа ќе претставуваат сериозен и понекогаш тежок начин за реализирање. Всушност, оваа положба на Сатурн претставува област во животот каде што ќе биде неопходен посебен напор и посветеност за да се добие посакуваниот резултат.

Можеме да кажеме дека куќата што Сатурн ја зафаќа за време на раѓањето претставува областа што ја надгледува и тестира.

Сатурн во 1. куќа

Многу зависи од тоа колку е Сатурн оддалечен од Асцендентот: колку е поблизок, толку е помоќно неговото влијание. Блиската конјукција со Асцендентот може да доведе до значителна инхибиција на личноста што може да предизвика срамежливост и ниска самодоверба. Сепак, кај ваквите личности постои вродена претпазливост и многу здрав разум. Во некои моменти од животот, личноста може да се чувствува неспособна да се справи со сите проблеми и одговорности на коишто се подложува, сè до добивање на песимистички поглед на светот што има тенденција да се вкорени повеќе ако веќе има несигурност и ниска самодоверба. Личноста со Сатурн во 1.куќа има конвенционален и конзервативен поглед; можеби и некои фрустрации поврзани со ограничувањата во детството, како последица на трауматски настан (смрт на таткото, разделување, несреќа) или субјективно доживување (развод или отсуство на родител). Во оваа куќа ефектот на Сатурн врз здравјето може да ја намали виталноста, но важно е личноста да сфати дека оваа состојба најверојатно се заснова на хипохондрија, а дека песимизмот и депресијата се негови најголеми непријатели.

Сатурн во 2. куќа

Сатурн во втората куќа укажува дека личноста ќе работи напорно за да го заработи секој денар. Ова значи дека ненадејните добивки и заработки ќе бидат речиси невозможни, како што е добивањето на лотарија. Најдобар начин за заработка може да биде ако се инвестира во најбезбедно поле. Сепак, чувството за успех и внатрешно задоволство кога, на пример, е платен долг, ќе ја зголеми самодовербата и гордоста на поединецот. Ова е важно затоа што тоа што го има постигнато се темели на големи напори. Не треба да се забораваат афективните страни на оваа куќа: присуството на Сатурн може да го спречи „протокот“ на чувства; од друга страна, може да се случи можноста за целосно доживување на задоволството преку сетилата да се развива многу бавно, но од друга страна ќе биде многу подобро во зрелоста.

Сатурн во 3. куќа

Можно е да имало прекини во училишниот период на личноста или дека личноста мрази да оди на училиште. Меѓутоа, ако се надминат овие тешкотии, тие ќе откриат многу посебни квалитети во развојот на поединецот кој ќе развие голема одговорност и желба за престиж. Во овој случај, Сатурн работи позитивно. Дополнително, ваква поставеност на Сатурн сугерира и тенденција да се верува дека поради промашеното образование личноста нема разултати во животот. Оваа куќа е поврзана со умот, па затоа личноста има добри шанси да не биде толку чувствителна, туку многу практична, и способна да направи долгорочни внимателни проекти. Личноста може да има и силна лична потреба да го заврши своето образование.

Сатурн во 4. куќа

Семејниот живот и домашната атмосфера биле веројатно сериозни кога личноста била млада. Можеби родителите имале големи барања, но барале и голема дисциплина. Таткото можеби бил неефикасен во семејството, или едноставно не бил присутен во физичка или психолошка смисла, па мајката морала да ги преземе и двете улоги. Сето ова можеби имало многу сложени импликации на личноста. Како резултат, личноста не само што може да има проблеми со изразување на слобода, туку може и да го имитира однесувањето на родителот. Четвртата куќа е природна куќа на Ракот и на Месечината, па има акцент на интуицијата. Оваа сила веројатно ќе биде позитивно канализирана и употребена со одличен ефект, но и покрај тоа личноста мора да го разбере потенцијалот на неговата интуиција и да научи да верува во неа.

Сатурн во 5. куќа

Бидејќи природно ова е куќа на Лавот и Сонцето, таа е поврзана со таткото, а кога Сатурн е смесетн во оваа куќа, постои можност таткото да биде доминантна фигура што го спречува искажувањето на личноста. Работите се менуваат кога самата личност станува родител: тој ќе биде многу амбициозен кон своите деца, ќе троши време и пари на она што го смета за најдобро за нив. Понекогаш тоа ќе ги присили децата да тргнат по патишта што не сакаат. Иако личноста е надарена со креативен талент, тој ќе се развива бавно: личноста можеби не е сигурна што да прави, но желбата да се направи и да се создаде може да биде многу силна. Што се однесува до љубовта, личноста ќе има неколку сериозни врски пред конечно да се одлучи за партнерот за брак.

Сатурн во 6. куќа

Личноста работи напорно и со голема грижа, но има и опсесивно придржување кон рутината и можеби дури и тенденција постојано да се жали за судбината. Честопати постои неподготвеност за промена затоа што преземањето ризици може да биде страшно за оваа личност. Недостаток на самодоверба и претерано критичен став кон постигнатото, кое секогаш ќе се смета за недоволно. Развојот на самодовербата мора да се охрабри за да може јасно да се разгледа она што е постигнато. Постои одлучна упорност, која сигурно ќе даде резултати, без оглед на полето управувано од знакот во кој „паѓа“ Сатурн. Ова е домот на здравјето, така што позицијата на Сатурн може да укаже на слабост кон болестите што му се припишуваат. Затоа може да се појават ревматски болки и можеби посебна чувствителност на влажното време. Личноста мора да обрне внимание на забите: можеби ќе мора да зема калциум за да ги зајакне и забите и коските.

Сатурн во 7. куќа

Во најдобар случај, Сатурн охрабрува сериозен став кон фиксните односи: личноста нема веднаш да брза во брак или сериозна врска, но откако ќе се заложи за љубов – тој ќе биде верен и постојан партнер. Ако Сатурн е во опозиција со Асцендентот, обврските честопати се одложуваат и понекогаш, од длабоки психолошки причини, врската воопшто нема да се изгради. Од една страна, личноста нема д аподнесува осаменост, а од друга страна, одговорноста за врската ќе биде голема тежина за него. Личноста има потреба од многу постар партнер, фигура на татко или мајка; или тој ќе се ожени за престиж или за пари, покажувајќи став на чиста пресметка. Љубовта и романтиката можат да исчезнат: ќе преовладува желбата да напредувате во социјалниот статус и да стекнете капитал. Од најлоша страна, оваа позиција на Сатурн ја мери врската, понекогаш создавајќи проблеми во комуникацијата меѓу партнерите; но ова се случува кога Сатурн е во опозиција на Асцендентот или во негативен аспект со другите планети, особено со Сонцето, Месечината или Венера.

Сатурн во 8. куќа

Личноста има добра способност да се концентрира. Погледите на животот се генерално сериозни, со склоност кон депресија и понекогаш опсесија. Сатурн во осмата куќа е одличен за оние кои имаат финансиски одговорности, или работат во полето на осигурувањето, во банка или можеби во секторот инженеринг или рударство. Со оваа позиција на Сатурн нема задоволувачки сексуален живот: всушност, често има инхибиции во сексуалното изразување. Личноста може да има посебен интерес за потемните аспекти на животот (како на пример, криминологијата), и скоро сигурно сериозно ќе размислува за можен живот по смртта. Понатаму, оваа личност често се сомнева и  не верува на другите, особено не му верува на партнерот. Љубомората не смее да ѝ наштети на врската, особено ако се во игра парите. Личноста учи од сопствените грешки и овој негативен тренд постепено ќе исчезне. Бидејќи сме во куќата на Шкорпија и Плутон, затоа интуицијата ќе биде силна.

Сатурн во 9. куќа

Личност со добра концентрација. Малку е веројатно дека умот е авантуристички. Ќе има нагласена желба за образование, но и пречки на патот на образованието. Често овие личности не завршуваат факултет, или го завршуваат со огромни напори. Предизвиците ќе бидат прифатени со претпазливост; изгледите за патување се мали, а стравови кон сè што е непознато се големи. Стравот од авиони, односно од летање е нагласен. Ако ова го  прошириме на психолошка димензија, тоа може да значи страв од „полетување“ (ментално), а можеби и афективно, како и постигнување на цели и амбиции. Ако Сатурн е во негативен аспект со една од личните планети, ќе откриеме срамежливост и недостаток на самодоверба. Комплексот на инфериорност ќе биде позабележителен кога личноста ќе се најде со луѓе за кои смета дека се на интелектуално ниво и културно супериорни.

Сатурн во 10. куќа

Тука Сатурн е дома, така што неговото влијание е посилно. Поединецот може да има многу одговорности, но тој ќе се соочи многу добро со нив и ќе има амбиции и аспирации со високи цели. Понекогаш поединецот се дистанцира од својата сакана личност, за да ја постигне целта на професионален план. Воопшто, студенилото во чувставта, можеби потекнува уште од детството, можеби личноста се школувала со строга дисциплина. Ако Сатурн е на оддалеченост помала од 8 степени од MC, или во конјукција, неговото влијание ќе биде уште посилно и може дури и да биде доминантно во наталната карта.

Сатурн во 11. куќа

Сатурн е во добра позиција тука благодарение на посебната врска со Водолија. Личноста ќе има малку пријатели, и тоа доста постари од неа. Социјалниот живот претставува фокусна точка за личноста. Слободното време ќе се користи во уживање, но генерално има малку време за нештата што се сметаат за лесни, иако штом ќе се најде интересот, ова може да трае цел живот. Дополнително, личноста има силна потреба за хуманитарни активности. Ако од една страна Сатурн дава конвенционален поглед на светот, од друга страна оваа позиција поттикнува чувство на правда при што поединецот ќе стори сé што е можно за да го подобри она што не е во ред со светот. Оние што ја имаат оваа позиција, на пример, ќе бидат природни поддржувачи на хуманитарни здруженија од билокој вид, но нема да сакаат да бидат вклучени во проекти кои се решаваат преку подигнат глас, револт и милитарност.

Сатурн во 12. куќа

Оваа позиција, со максимална моќност, ја прави индивидуата изолирана и затворена, без желба да се вмеша во светот. Понекогаш личноста се чувствува безбедно само во рамките на нејзиниот мал свет: извршува некоја работа во текот на денот и со нетрпение чека да се врати дома. Луѓе со Сатурн во ваква позиција подобро е да имаат хоби, како што се музиката, пишувањето, читање книги или некоја занаетчиска работа која се извршува од дома. Во лош однос со другите планети ваквиот Сатурн дава и хипохондрија или ред фобии. Ако Сатурн е блиску до Асцендентот, личноста ќе биде нагласено срамежлива, интровертна и без самодоверба, слично на Сатурн кога е во првата куќа, но тука тенденција кон осаменост ќе биде посилна. Креативно вежбање преку танц или форми на експресивно движење е одлична терапија. Сепак, јогата или слични дисциплини нема да бидат ефективни затоа што тие би можеле да ја зголемат интровертноста, неместо да ја контролираат. Може да се случи идентификација со луѓе кои страдаат или живеат на маргините на институциите и кај личноста може да се појави силна психолошка потреба за да им помогне.