Денеска во рамките од 10 коло во најдобрата германска лига минимално со 31:30 (14:13) екипата на Балинген беше подобра од Фуксе Берлин.

Еден од најзаслужните за триумфот на Балинген беше левиот бек на македонската репрезентација, Филип Талески кој беше прв стрелец со осум голови.

Истиот учинок го имаше и неговиот тимски колега Одур Гретарсон, а на спротивната страна по шест погодоци запишаа Ханс Линдберг и екс членот на Вардар, Мијајло Марсениќ.

Балинген воедно ја прекина негативната серија од четири порази во низа и после третата победа сезонава се наоѓа моментно на 14. место со шест бода.

Во наредното коло клубот на Талески на 3 ноември ќе гостува кај Минден.