Денеска македонската женска кадетска ракометна репрезентација во својот втор натпревар од групата Б на Европското првенство што се одржува во Црна Гора загуби од Словачка со 34:21.

Македонија го имаше само почетното водство од 1:0, потоа противничките контролираа позитива од два-три голови разлика. На семафорот стоеше 9:6 за словачките репрезентативки, а потоа до крајот направија серија од 5:0.

Од стартот на вториот дел ривалот предноста на Словачка се движеше од седум до девет голови разлика. Негативата на нашите ракометарки постепено се зголемуваше, при 26:19, ривалот направија нова уште поголема серија од 8:0 и тука веќе сите дилеми беа решени и на крајот моравме да се помириме и со вториот пораз на ЕП.

За македонската репрезентација најефикасни по пет голови беа Марија Димоска и Таида Беровиќ.

Во последното трето коло нашите ракометни надежи ќе играат против селекцијата на Португалија на 2 август со почеток од 19.30 часот.