По голема борба и меч во пет сета женската одбојкарска сениорска репрезентација на Македонија загуби од Израел во претпоследниот натпревар од Европската Сребрена лига.

Израелките на овој меч беа подобри со резултат 2:3 во сетови (14:25, 25:18, 25:22, 14:25, 10:15).

Во нашата селекција најефикасна беше Стојанова со 19 поени, следена од Фасулева и Терзиевска со по 13, додека Стојкоска и Ерјона имаа по пет поени.

Последниот натпревар во годинешното издание Македонија ќе го игра в сабота со почеток од 19.00 часот против Грузија.

Претходно избраничките на селекторот Стефан Пауновиќ одиграа четири натпревари и имаа две победи над Луксембург и Фарски Острови и два порази од фаворитите Швајцарија и Австрија.