Македонската ракометна репрезентација беше поразена од холандската селекција со 32:37 (15:18) во второто коло на СП 2025, а судењето на данската судиска двојка Мадс Хансен и Јеспер Мадсен (12 седмерци, два црвени картони) целосно ги налути македонските навивачи на трибините на Арената во Вараждин.

Во неколку наврати се слушаа скандирања на „ИХФ мафија“, а се слушаше и официјалниот спикер кој предупредува дека мечот ќе биде прекинат доколку не престане фрлањето на предмети на теренот.

Кулминацијата на сето тоа се виде по натпреварот, за време на церемонијата за прогласување на најдобриот играч, кога Холанѓаните не сакаа да бидат на теренот.

Наместо тоа, трчаа кон соблекувалната, за да се заштитат од македонските навивачи.

Несекојдневна ситуација на големите ракометни натпреварувања…