Женската сениорска кошаркарска репрезентација на Македонија означи почеток на мини – подготовките во пресрет на последниот евроквалификациски прозорец.

Селекторот Александар Ашаданов прозиваше во СРЦ Кале, заедно со своите стручни соработници Атанас Димов и Виктор Петровски.

Кошаркарките ќе одржат неколку тренинзи во Скопје, а в среда наутро ќе заминат за Белград каде в четврток ќе си ги одмерат силите со соодветната репрезентација на Србија.

Натпреварот е закажан за четврток (6 февруари) со почеток во 18.00 часот во спортската сала „Александар Николиќ“.

Три дена подоцна, на 9 февруари, кошаркарките ќе играат против Украина, во „Олимписки Центар Рига“ во Летонија. Натпреварот в недела е закажан за 20.00 часот (локално време).